आशा कार्यकर्ता करिन क्रमिक अनशन

tajaचित्रकूट जिला के आशा कार्यकर्ता  7 जुलाई से कर्वी शहर के पटेल चैराहे मा क्रमिक अनशन मा 9 जुलाई तक बइठ रहै। उनके मांग रहै कि उनका तीन महीना से डिलेवरी, टीकाकरण अउर मिशन इन्द्र धनुष के तहत चलै वाले सत्र का रूपिया नहीं मिला आय।

ब्लाक कर्वी, गांव पहरा के आशा कार्यकर्ता शाहीन का कहब हवै कि डिलेवरी करवावैं मा एक से चार दिन तक लाग जात हवै। तबै जा के तीन सौ रूपिया सरकार कइती से मिलत हवै तीन महीना होइगे हवै। अबै तक एकौ रूपिया नहीं मिला आय।

ब्लाक मऊ, कस्बा मऊ, मुहल्ला मैदाना। हिंया के आशा निर्मला तिवारी कहिस कि हमका मेहनत खूबै करै का परत हवै पै डिलेवरी, टीकाकरण अउर मिशन इन्द्र धनुष के तहत मिलै वाला तीन महीना से एकौ रूपिया नहीं मिला। यहिसे पूर जिला के आशा कार्यकर्ता क्रमिक अनशन मा बइठ रहैं। जबै तक मांग पूर न होइहैं तबै तक यहिनतान क्रमिक अनशन करबे। अपर सी.एम. ओ. रामबहादुर सिंह कहिन कि आशा कार्यकर्तन का रुपिया सरकार कइती से नहीं आवा आय। सरकार कुछौ कइ सकत हवै। सी.एम. ओ. के. डी कहिन कि सरकार उनके मांग पूर करी।