आशा काम करै से करिन इनकार

जिला अम्बेडकर नगर, ब्लाक कटेहरी गांव बसंन्तपुर। हिंआ कै आशा बहू काम करब बन्द कै दिहिन। तीन साल से गांव कै प्रसव वालिन मेहरारु पइसा न पावै के कारण दुसरे आषा कै सहारा लियाथिन।
ष्षाहपुर कै आशा कार्यकर्ता धु्रवपति बताइन कि वसन्तपुर कै आषा कार्यकर्ता सुमनलता तीन साल से काम करब बन्द कै दिहिन। हुआ प्रसव वाली मेहरारु हमका बुलावाथिन। गांव वालेन कै कहब बाय कि आशा कार्यकर्ता सुमनलता पहले काम करत रहिन तीन साल से नाय करत हइन।
आशा कार्यकर्ता सुमनलता बताइन कि जवन केस हम लइके जात रहेन ए.एन.एम. गौरा पाण्डेय दस्खत कराई पचास रुपया मांगत रहिन। हम उनके सबसे पचास रुपया नाय देवायन यहि नाते ए.एन.एम हमार 2010 अउर 2011 दुई साल कै पइसा नाय दिहिन अउर आपन बदली कराय लिहिन। अब ए.एन.एम. निर्मला पाण्डेय आय बाटिन। सितम्बर 2013 मा निर्मला पाण्डेय हमरे बिटिया बन्दना से साइन करवाय लिहिन कहिन कि आशा काम करै से इनकार करति अहैं। जबकि हम घरे नाय रहेन।
ऐनम गौरा पाण्डेय बताइन कि जेतना काम करे रहिन वतना पैसा मिल गै बाय।