आवास अउर शौचालय ना हुअय से परेशान मनई

जिला फैजाबाद, ब्लाक मया, गाँव काजीपुर गाडर। यहि गाँव मा शौचालय बनवायै खातिर सरकार सुविधा दिहे बाय लकिन सबका नाय मिलत बाय।
फूल कुमार, गायत्री, माताप्रसाद बताइन कि हमरे सबकै शौचालय, आवास आवाकीन वापिस करवाय दिहिन प्रधान अउर रोजगार सेवक। जबकि बी.पी.एल. सूची धारक हई। हमरे सब छान छप्पर धइके रही थै आमदनी यतना नाय बाय कि शौचालय बनवाय सकी गरडि़या के पुरवा मा केहू-केहू होये जौवन एकाध घर छूट होये अउर सबकै बना बाय। काहे से रोजगार वहीं कै रहै वाला हुए अपने गाँव कै विकास तौ कराथे अउर गाँव का ध्यान नाय दियत अहै। अउर गाँव मा खाली 2011 मा थोर बहुत नाली खण्ड़जा पै काम भै रहा तबसे एकदम बन्द पड़ा बाय। सरकार यतनी सुविधा दियत बाय तउने पै नाय मिल पावत बाय। रोज डेली प्रचार मा आवाथै कि खुले शौच जाय से तरह-तरह कै बिमारी फैलत बाय। यकरी रोक थाम खातिर घर-घर शौचालय जनगणना चालू बाय तउने पै नाय मिलत।
रोजगार सेवक उनिशा पाल कै भइया राम प्रवेश बताइन कि हमरे हिंआ ग्राम सभा बहुत छोट बाय यही से ज्यादा तेज से विकास नाय होत पावत बाय। एक साल मा एक या दुई आवास अउर शौचालय आवाथै तौ जे बहुत गरीब रहा थै तौ वही का मिल पावा थै। यहि समय सरकार दुई योजना निकारे बाय जेकरे माध्यम से गाँव मा केतना विकास अउर सबके पास शौचालय बाय कि नाय। यहि योजना कै पता चले।