आरोपी बाप का भे जेल

शोक मा डूबा परिवार
शोक मा डूबा परिवार

जिला बांदा, ब्लाक बडोखर खुर्द, गांव मवई बुजुर्ग मजरा पट्टन पुरवा। हेंया का मेंहदी हसन आपन 12 साल के बिटिया जरीना खातून का 13 फरवरी 2014 का मार के हत्या कइ दिहिस है। पुलिस आरोपी का पकड़ के जेल भेज दिहिस है।
नानी जोहरा, नाना सकूर बतावत है कि 13 फरवरी का बिटिया जैनब अउर भउजाई शाम के बाहर खेत चली गई रहैं। नातिन जरीना खातून अउर छोट भाई घर मा खेलत रहैं। तबै बाप मेंहदी हसन बिटिया का पकड़ के कमरा के भीतर लइगा अउर वहिके हत्या कइ दिहिस। भाई हसीन कहत है कि घर के पास मा गड्ढ़ा खोद के दफना दिहिस है, तौ दुई दिन तक लाश का पता नहीं चला। जबै बिटिया ढूढ़ै मा न मिली तौ चैकी मा सूचना दीन। पुलिस तीन दिन मा मेंहदी हसन का पकड़ के अउर मारपीट कइके पूंछिस है। तबै पता चला है कि मेंहदी हसन बिटिया का मार के गड्ढ़ा मा दुइ दिन पहिले दफनाय रहा है। तीसरे दिन निकल के खेतन मा फंेक दिहिस। इनतान के आरोपी बाप का कउन भरोसा।
बांदा कोतवाली के मुंशी देवेन्द्र सिंह कहत है कि मेंहदी हसन के ऊपर हत्या के धारा 302 अउर 301 आई.पी.सी. लाग है। मुल्जिम का जेल भेज दीन गा हवै ।