आदमियन ओर जानवरन की समस्या दूर

panvadi kasbaजिला महोबा, ब्लाक पनवाड़ी कस्बा पनवाड़ी। वार्ड नम्बर 12 दलित बस्ती। एते नगर पंचायत बने की खबर सुनतई प्रधान ने कस्बा के चारो केती काम कराउब शुरू कर दओ हे। जीसे कस्बा की जनता काफी खुश नजर आउत हे।
वीरेन्द्र साहू, छत्रपाल ओर ईश्वरदास बताउत हे की प्रधान ने कस्बा में सुलभ शौचलय बनवा दओ हे। सूखा के कारन पानी की बोहतई परेेशानी हती। जीसे प्रधान ने तालाब के भीतर एक समरसेविल लगवा दओ हे। जीसे जानवर ओर जनता के लाने पानी की सुविधा हो गई हे। रतन बतातउ हे की जोन गली में पन्द्रह साल पेहले सी.सी. रोड बने खा चाही। ऊ मोहल्ला मे अभे सी.सी. रोड बनो हे। हमें बोहतई खुशी होत हे की हमाये कस्बा में ई पंचवषीय में काम होत हे। गरीब जनता की सुनी जात हे।
प्रधान अखिलेश कुमारी को आदमी संजय दुबे बताउत हे की अभे हमाये खातन में रूपइया नई आओ हे। में अपने घर से रूपइया लगा के काम कराउत हों। काय से जनता ने मोये प्रधान बनाओ हे तो में चाहत हों की ज्यादा से ज्यादा काम हो सके। काय से मोय काम को रूपइया कोन कहूं जात हे। जबसे ज्यादा गरीब जनता की सुनी जात हे। मे जभे से प्रधान बनो हो तभे से तीन हैंडपम्प छह जानवरन के लाने चरही ओर ओर एक बोर करावाओ हे। जीसे जानवर ओर जानता खा पानी की समस्या न होंय।