आगी से जले छब्बीस घर हजारन का नुकसान

27-05-15 Gaon Banda - Mungus Gaon mein Aag webजिला बांदा, ब्लाक तिन्दवारी ,गांव मूगुंस। हेंया 21 मई 2015 का लगभग दुई बजे दुपहरी मा गांव मा आगी लाग गे रहै। आगी बुझावै वाली मषीन बीस मिनट बाद पहुंच गे। फिर भी होंआ के छब्बीस घर जल के राख होई चुके रहैं।

गांव के मूलचन्द्र अउर बैजनाथ कुषवाहा बताइन कि सबै कोऊ दुपहरी मा आपन घरन मा सोवत रहा है। बउरा के घर से अचानक आगी लाग तौ गांव के कुछ मडई देखिन तौ गोहारी मारिन। मडई अपने-अपने घरन से बर्तन निकर के कुआं अउर नल से पानी लइके आगी आगी बुझावैं लाग। वा दिन हवा येतनी तेज चलत रहै कि देखतै देखत एक घर के बाद दुसरे तिसरे घर आगी आपन चपेट मा लई लिहिस। इनतान करके गांव के छब्बीस घर धू-धू कइके जलै लाग । फायर ब्रिगेड का फोन से सूचना दीन गे जबै तक मषीन आई तबै आगी मा काबू पावा, नहीं तौ पूरा गांव जल जात।

बच्चू अउर भजना कहिन कि खेती मा बचा कुचा अनाज अउर भूसा कपडा बर्तन चारपाई सबै जल गा है। बिन्दी नाम के औरत घर मा सोवत रहै तौ वा भी बुरीतान से जल गे है। वहिका इलाज जिला अस्पताल मा चलत है। हर घर का एक लाख के ऊपर का नुकसान भा है। गांव का कोटेदार 20-20 किलो अनाज के सहायता अउर एस.डी.एम. तुरतै 38-38 सौ का चेक सबै परिवार का दिहिन हैं।

एस.डी.एम. विनय कुमार पाठक का कहब है कि मूगुंस गांव मा दर्दनाक आगी लागैं के घटना भे है। उनका तुरतै खांय अउर कपडा के व्यवस्था कीन गे है। अग्नि पीडि़त का घर बनवावै खातिर पन्चानबे हजार एक सौ रूपिया हर परिवार खातिर मांग दैवीय आपदा के तहत सरकार से कीन गे है। जल्दी ही मुआवजा दीन जई।