आगी लागै से दाना खातिर तरसत मनई

taza2 finalजिला अम्बेडकर नगर, ब्लाक टाण्डा, ग्रामसभा शाहपुर, गांव नैपुरा। हिंआ 11 अप्रैल 2016 कै दलित बस्ती मा अज्ञात कारन से असग लागै से छह घर कै मनई बेघर होई गइन। जेह कारन दाना दाना खातिर मुहताज होई गईन।
गांव कै दिलीप बताइन कि गेहूं काटी दाय कै कुछ गेहूं घर मा धरे रहेन। गांव के बगल वर्मा लोग घूर लगाय हईन। वही तरफ से आग लाग है। जेहमा रामबिचार, राजेश, रामशुकुल, रामबहाल, झपसी, जियालाल कै घर पूरी तरह से जली गै। तीन बकरी भी वही आग मा जली कै मरी गै रहिन। घर मा रखा अनाज कपड़ा बर्तन खटिया बिस्तर कापी किताब सब कुछ जली गै। ग्राम प्रधान खाली वही दिन आय रहिन तब से से देखाय नाय परिन। कोटेदार घर पीछे बीस बीस किलो राशन दिहे रहिन।
लेखपाल राम केवल नट बताइन कि हम सर्वे कई के दैनिक आपदा अधिकारी के लगे भेज दिहे हई। लगभग पैतालिस लाख कै नुकसान भै बाय।
दैनिक आपदा अधिकारी राकेश चन्द्र शुक्ला बताइन कि तहसील मा चार छह दिन मा आपदा राहत कै पैसा पहुंच जाए। तहसील से पात्र मनईन का पैसा बांट दिया जाए।