आखिरी दिन भरे नामांकन पर्चा

24moh4 महोबा शहर, चरखारी विधानसभा उपचुनाव की तैयारी फिर से कर दई हे। जीखो पर्चा भरे को काम 17 मार्च से हतो। जीमें आखिरी दिन 24 मार्च खा आदमियन ने जम के अपने पर्चे भरे हे। जोन 11 अपै्रल 2015 खा चुनाव बोट परहे। सब तैयारी में लग गये हे।

समाजवादी पार्टी से कप्तान सिंह खा गोली हत्याकण्ड में उम्र कैद सजा के कारन जेल में हे। कप्तान सिंह की ओरत उर्मिला खा टिकट मिल गओ हे। ऊ विकाश कारायें खा लेके चुनाव में खड़ी हे। उर्मिला ने कहो कि चुनाव में ऊखो पेहलो अनुभाव हे।
भारतीय जनता पार्टी के प्रत्यासी अखिल राजपूत ने बताओ कि मोई पढ़ाई राजनैतिक से डीएएस उरई के कालेज से हे। ऊ विद्यायकी को चुनाव पेहली बार लड़त हे। जभे कि ऊखो बाप पूर्व सासद गंगाचरण राजपूत हमीरपुर महोबा संसदीय क्षेत्र से केऊ दइयां लोकसभा प्रतिनिधित्व रेह चुके हे। पूर्व सांसद गंगाचरण राजपूत ई दइयां, उपचुनाव में बुन्देलखण्ड प्रान्त के साथे किसानन के कर्ज माफ, मुआवजे को मुद्दा बना चुनाव मे खड़े हे।
कांग्रेश से पुराने प्रत्यासी रामजीवन यादव उर्फ दद्दा ने ई दइयां फिर चुनाव क्षेत्र में आ गये हे। ऊ 2012 में विधानसभा के चुनाव ओर 2014 के उपचुनाव में चुनाव लड़े। जीमें हार को सामना करने परो हतो। ओर 24 मार्च खा फिर काग्रेंस से आपन पर्चा भर नामांकन करो।