अलग अलग मामला मा मारपीट

अवधेश
अवधेश

जिला बांदा, ब्लाक बबेरू, कस्बा बबेरू मोहल्ला नहर कोठी अउर तिन्दवारी ब्लाक का गांव माचा। इं गांवन मा कतौ जमीन मा कब्जा का लइके तौ कतौ खेत मा टट्टी होय का लइके लड़ाई भे है। दूनौ पक्ष थाना मा रपट कइके कारवाही के मांग करिन हैं।
बबेरू कस्बा मोहल्ला नहर कोठी का अवधेश बतावत है कि 20 दिसम्बर 2013 का सुबेरे टट्टी करै का विजय पाल के खेत मा बइठ गयेंव। यहिसे मोहिका विजयपाल खूबै गाली गलौज करिस है अउर लाठी से मारिस है। यहिसे मोर खोपड़ी तक फाट गे है। यहिके दरखास मैं बबेरू कोतवाली मा दीने हौं पै कउनौ सुनाई निहाय।
विजयपाल कहत है कि मोरे खेत मा गेहंू बोवा है। यहिसे मैं खेत मा टट्टी करैं का मना करते हौं। वा उलटा मोहिका गाली गलौज करत रहै यहै से लड़ाई भे है।
बबेरू कोतवाली के मुंशी मकसूद खां का कहब है कि दूनौ पक्षन का समझौता करा दीन गा है।
माचा गांव के लालता बतावत है कि दस साल पहिले मैं दुई बिसुवा जमीन खरीदे रहांै। जबै वा जमीन मा मैं घर बना के रहै लागेव हौं तबै गांव का दिनेश सिंह मोरे जमीन मा कब्जा करत है। यहिसे मैं परेशान हौ। एक साल सेे लेखपाल से नाप करावै खातिर चक्कर लगावत हौं, पै मोर कउनौ सुनवाई निहांय।
दिनेश सिंह का कहब है कि वा हमार जमीन आय। जमीन का नम्बर 894 है। वा खुदै हमरे जमीन मा कब्जा करैं चाहत है।
लेखपाल वीरेन्द्र सिंह बतावत है कि वा गांव समाज के जमीन आय। वहिमा कउनौ कब्जा नहीं कई सकत आय।