अलग-अलग एक्सीडेण्ट से दो मर गये

आकाश को बिलखत परिवार
आकाश को बिलखत परिवार

जिला महोबा, ब्लाक कबरई, गांव छानीकलां। एते के सन्तराम को आरोप हे कि 26 अपै्रल खा प्रहलाद पुत्र योगेन्द्र ने आकाश के ऊपर टैªक्टर चढ़ा दओ हे। जीसे 13 साल के लड़का आकाश की मोत हो गई हे, ओर लड़की काजोल पुत्री शिवलाल घायल हे। पुलिस ने लास को पंचनामा भर पोस्टमार्टम खा भेज दओ हे।
आकाश के बाप संन्तराम उर्फ बब्बू ने बताओ कि 27 अपै्रल खा प्रहलाद ने टैªक्टर खरीदो हतो। ऊ शाम को टैªक्टर की पूजा कराउत हतो। तभई आकाश ओर काजोल पूजा देखन गये हते। तभई प्रहलाद के लड़का योगेन्द्र ने टैªक्टर चढ़ा दओ। जीसे आकाश की मोत हो गई हती ओर आठ साल की लड़की काजोल (पुत्री शिवलाल) घायल हे। इलाज महोबा जिला अस्पताल में चलत हे।
एसई पहरा गांव में 28 अपै्रल खा सुबह 11 बजे 22 साल के भूरा पुत्र भवानीदीन को ट्रक से एक्सीडेंट भओ हे। जीसे ऊखी मोत हो गई हे।
भवानीदीन बताउत हे कि भूरा (एल.एन.टी.) पोपलेन मशीन को ड्राइवर हतो। 27 अपै्रल खा भूरा रात के मश्ीन चलाउत रहो। सुबेरे डिंगरा पहाड़ में एक किनारे जाके सो गओ। ट्रक वालेन ने भूरा के ऊपर ट्रक चढ़ा दओ हे। जीसे ऊखी मोत हो गई हे। भूरा की 3 मई खा शादी हती। कबरई थाना के एस.ओ. चंचल यादव ने बताओ कि धारा 304ए 279 (तेज रफतार में चालाना) के तहत दोनऊ केस में मुकदमा लिखो गओ हे। अभे जांच चलत हे, जांच के बाद कारवाही कर अपराधी खा जेल भेजो जेहे।