अम्बेडकर नगर मा छाईं मायावती

01-05-14 Mayawati in Akbarpurजिला अम्बेडकर नगर, ब्लाक अकबरपुर। हिंआ 29 अप्रैल का दोपहर अग्निषमन के मैदान मा बसपा राष्ट्रीय अध्यक्ष मायावती अपने पार्टी के उम्मीदवार राकेष पाण्डेय के खातिर वोट मांगै आइन।
दस हजार से ज्यादा मनई यहि चिलचिलाती धूप भूंख मा पियास छोड़ के जमीन पै बैठ के उनकै विचार सुनै आय रहिन। लाखन के संख्या मा मेहरारु आदमी आय रहिन। खलीलाबाद कै बसपा अध्यक्ष कुषल तिवारी कहिन कि हम इहै चाही थी कि ऐसन सरकार बनै जवन सब जातियन का एक सूत्र मा बांध सकै।
बहुजन समाज पार्टी कै प्रदेष अध्यक्ष मानीक राम निषाद कहिन कि दुई तरफा सरकार नाय चुनै का बाय। हम यैसन षेर दिल उम्मीदवार का क्षेत्र मा उतारब जे पूरे प्रषासन का अकेलै हिलाय के रख दियै अउर ई क्षमता बहन जी मा बाय।
सांसद अउर उम्मीदवार राकेष पाण्डेय कहिन कि जेहि तरह से हमै संासद बनावै वाले वर्ग का सत्ता नाय बाय वैसे एक अउर मौका दिया। मायावती कहिन सब बसपा का वोट दिया। आजादी से अब तक बहुजन समाज पार्टी मा आवै वाले पिछड़े वर्ग का सत्ता नाय बाय। बसपा अकेली यस पार्टी बाय जवन अपने बल बूते पै चुनाव लड़त बाय।