अभे तक कट गओ अगाऊं केसे कटहे

mahoba tahsil kasba se khabar photo copyमहोबा शहर, भटीपुरा मोहल्ला। मे जेसई गर्मी बढ़त जात हे ऊसई पानी को जल स्तर कमत जात हे। हैण्डपम्प मे पानी नईं निकरत हे। जानता सोच मे परी हे की अगांऊ की गर्मी पानी बिना केसे कटहे। एई से 16 मार्च खा महोबा तहसील जाके ओरतन ने हगामा करो हे। तहसीलदार खा ज्ञापन देके पानी की सुविधा करायें की मांग करी हे।
मोहल्ला की रानी, पे्रमा, राजकली ओर देवकली कहत हे की हमाये मोहल्ला के हैण्डपम्प एम महिना से पानी नई देत हे। हम लोग बूद-बूंद पानी खा तरसत हे। दूसरे मोहल्ला पानी भरन जात हे। घर के सब आदमी मजदूरी करन चले जात हे। बच्चा स्कूल चले जात हे। पानी के कारन हम अपने परिवार खा समय से खाना नई बना पउत हे। सवित्री, सुमन ओर मालती बताउत हे की पानी की समस्या रोज की रोज बढ़त जात हे। अधिकरी भी कोनऊ ध्यान नई देत हे। पानी के बिना कछू काम नई होत हे। पानी के लाने दो से तीन घण्टा लाइन में खड़ो होने परत हे। ऊमे भी केऊ दइयां लड़ाई गाली गलौज हो जात हे। एई से 16 मार्च खा महोबा तहसीलदार नन्हकू खा दरखास दई हे।
महोबा तहसीलदारन नन्हकू ने दरखास खा लओ ओर पानी की सम्स्या खा गम्भीरता से लओ। बताओ की जलसंस्थान के अवर अभियन्ता से बात करी हे। जल्दी ही ओते के खराब हैण्डपम्प बनवाये जेहे। जभे तक हैण्डपम्प न बनहें तो टैंकर से पानी ऊ मोहल्ला मे भेजो जेहे।