अब रौशन होतई हर गांव

tजिला शिवहर में अभि नया ट्रांसफ़ॉर्मर लग रहल हई। जेईसे लोग बहुत खुश छथिन।
माधोपुर छाता के विकास कुमार, राम कुमार, गायत्री देवी सब कहलथिन कि ऐई गांव में लगभग छौ-सात महिना से ट्रांसफ़ॉर्मर जरल रहई से ऐई बेर लग गेलई। बिजली रहे से पते न लगई छई कि दिन हई कि रात। बिजली भी अभी जादे न कटई छई। अईसन बिजली त नया तार पोल तहियो न रहई। अब मोबाईल चार्ज करे के लेल केकरो दुकान या घरे न जाये परई छई।
ऐही लेखा विश्वम्भरपुर गांव में भी ट्रांसफ़ॉर्मर लाग गेलई से लोग सब के परेशानी दुर भेलई कयला कि गर्मी के समय अलई त जेई लोग के पास पंखा होतई त लोग के राहत मिलतई। टी.वी. चलावे में अउर बहुत ऐईसन काम में बिजली से सुविधा मिलई छई।
बिजली विभाग के कार्यपालक अभियंता सुरेश प्रसाद कहलथिन कि अभि त ऐई जिला में अट्ठासी गो ट्रांसफ़ॉर्मर ट्रांसफ़ॉर्मर लाग गेलई तिरानवे गो ट्रांसफ़ॉर्मर लागे वाला हई।