खुदे परे चबूतरा, लोग परेशान

जिला महोबा, ब्लाक चरखारी, कस्बा कस्बा चरखारी हाथी खाना। एते के नाली दो साल से खुदी परी हे। पूरे रास्ते में पानी फेलत हे। आदमी नाली बनवायें की मांग करत हे।
कल्लू ओर रानी कहत हे की हम एते 20ण् साल से रहत हे। हमाये द्वारे की तीन साल पेहले चेयरमैन ने नाली बनवायें खे लाने खुदा दये हते। पे आज तक कोनऊ देखन नई आओ हे।
मुन्नी कहत हे की हम निकर नई पाउत हे हम लो चीरा धर के निकरत हें हमाये बच्चा नई निकर पाउत हे। हमने चेयरमैंन से भी केऊ दइयां कहो हे की एते की नाली बनवा देय पे ऊ नईं सुनत हे। हम लोग चबूतरा बिना निकरें में परेशानी होत हे।
चेयरमैन रूक्साना खातून को आदमी मुईन उद्दीन कहत हे की मोये जानकारी नईयां। में कीखी कीखी परेशानी खा देखो।