खबर लहरिया फैजाबाद ट्रक के टक्कर से दुई घायल एक कै मउत

ट्रक के टक्कर से दुई घायल एक कै मउत

f kasbaजिला अम्बेडकर नगर, ब्लाक अकबरपुर गंाव पतौना। हिंआ कै रहै वाला अंशवान पाण्डेय अउर उनकै मेहरारु श्रद्धा 24 अगस्त का शाम साढ़े तीन बजे अकबरपुर तिराहा पार करत रहिन तबै तेज रफ्तार से ट्रक टक्कर मार दिहिस। श्रद्धा पाण्डेय कै तुरन्त मउत होय गै। अंशवान पाण्डेय का जिला अस्पताल मा भर्ती कराय गै बाय।

अकबरपुर कोतवाली कै एस.ओ. योगेश शाह बताइन कि मोटर साइकिल नम्बर यू.पी. 45 सी. 6945 पै तीन लोग रहिन। सुमन पाण्डेय, श्रद्धा पाण्डेय अउर अंशवान पाण्डेय जेहमा से श्रद्धा पाण्डेय कै मउत होइगै। दुई जने कै हालत गम्भीर बाय। ट्रक नम्बर यू.पी. 33 टी. 1948 ट्रक चालक का हिरासत मा लै लीन गै बाय। अंशवान पाण्डेय के तहरीर पै चालक ऊपर मुकदमा अपराध संख्या 356/15 धारा 279 (लापरवाही पूर्वक गाड़ी चलाना) 337 (हल्की चोटें आना) 304 (एक्सीडेन्ट करना) आई.पी.सी. लाग बाय।