खबर लहरिया चित्रकूट जिंदा का मरा देखाइन

जिंदा का मरा देखाइन

khopaजिला चित्रकूट, ब्लाक पहाड़ी, गांव खोपा। हिंया के देवरतिया का आरोप हवै कि विधवा पेंषन दस साल से मिलत रहै, पै दुइ साल से वहिका मृत घोषित कइ दीन गा हवै। या कारन विधवा पेंषन बन्द होइगे हवै। या बात का लइके राजापुर एस. डी. एम चन्दप्रकाष उपध्याय का 21 जुलाई का दरखास दिहिस।

देवरतिया बताइस कि मोहिका विधवा पेंषन मिलत रहै। वा अब नहीं मिलत आय। पता नहीे कि मोरे साथै इनतान करिस हवै कि मोहिका मृत घोषित कइ दिहिस। यहै से विधवा पेंषन नही मिलत आय। मोहिका जबै पेंषन मिलत रहै तौ घर का खर्चा चलत रहै। कउनौ कउनौ कमाये वाला नही आय ।

प्रधान रेखा देवी मनसवा कल्लू सिंह चैहान कहिन कि पेंषन वाली लिस्ट देखे रहौं। वहिमा देवरतिया मृत घोषित रहै तौ मै  18 जुलाई का देवरतिया के जीवित होय का प्रमाण पत्र बना के दइ दीने हौं।

राजापुर एस. डी. एम. चन्द प्रकाष उपाध्याय बताइन कि तहसीलदार अउर बी.डी.ओ.श्रीकान्त त्रिपाठी से जांच करै खातिर कहा जई । पहाड़ी बी. डी. ओ श्रीकान्त त्रिपाठी कहिन कि समाज कल्याण मा जा के सही करवावा जई।