खबर लहरिया ताजा खबरें कस्बा में लगा दई आगी

कस्बा में लगा दई आगी

Mahoba - Kulpahad Communal Violence webजिला महोबा, ब्लाक जैतपुर, कुलपहाड़ कस्बा सब्जी मण्डी। एते 4 जुलाई खा चाकू मारे से गाय के बछड़ा की मोत से आदमियन ने हंगामा घर दुकानन में आगी लगा दई। जीसे आठ दुकाने जल गई हे। आदमियन ने सामप्रदायिक बनायें की कोशिश करी। मौके में एस.पी. डी.एम. पुलिस बल के साथे पोहंची। पुलिस ने ई आपन बल दिखा सामप्रदायिक बने से पेहले आदमियन खा काबू में पा लओ। खा गप्पू के साथे लगभग डेढ़ सौ आदमियन के खिलाफ मुकदमा लिख जेल भेजत हे। सुरक्षा के लाने पी.ए.सी. लगी हती।

कस्बा के आदमी कहत हे कि पुलिस गलत तरीका से आदमियन खा जेल भेजत हे। काय से कोनऊ आदमी आगी बुझाउत हतो ऊखे ऊपर मुकदमा लिख दओ हे।

कोतवाल सतीश चन्द्र शुक्ला बताउत हे कि जभे आगी लगाई हे। तभे वीडियो ग्राफी बनाई जात हती। ओई से आदमियन खा पहचान के जेल भेजो जात हे। सामप्रदायिक ओर लड़ाई के लाने पूरो कस्बा को आदमी इक्ट्ठा हतो। जोन बछड़ा मरो हे। ऊखे कोनऊ आपन नई कहत हे। चरखारी सी.ओ. धनंजय कुशवाहा कहत हे ई हंगामा में कोतवाल रज्जाक खा सस्पेंन्ट कर दओ हे। ईद तक पूरे कस्बा में धारा 144 लागू कर दई हे। अब कस्बा में शान्ति को माहौल बनो हे।