जिला महोबा, ब्लाक जैतपुर, गांव घुरा। एते के ममता को आरोप हे कि आदमी कल्लू बाहर रहत हे। खर्चा मांगे पे ससुराल वाले मारपीट करत हते। एई से ऊ छह साल से मायके में रहत हे, ओर खाना खर्चा को मुकदमा लड़त हे।
ममता कहत हे कि 2007 में शादी भई हती। कल्लू बाहर कमान चलो जात हतो। में सास ससुर से खर्चा मांगत हती तो ऊ कहत हते कि ते मजदूरी कर चाहे मताई बास से खर्चा मगां हम न देहे। मे कछू कहत हती तो माये साथे मारपीट करत हते। जभे आदमी कल्लू से कहत हती तो ऊ भी मारो करत हतो। एई से में आपन लड़का लेके मायके में रहत हों। खाना खर्चा को मुकदमा लड़त हों। ससुराल वाले ऊ भी नई देत हे।
आदमी कल्लू कहत हे कि में बाहर रहत हतो। ममता मोये बाप मताई को कहना नई मानत हती। मारपीट कोनऊ नई करत हे। अपने से मुकदमा लगा दओ हतो। हम कछू नई कहत हे। में अभे भी लिबाउन खा तैयार हों ऊ नई जात हे।