खबर लहरिया फैजाबाद जमीन विवाद मा मारपीट, जे.सी.बी. फूंकिन

जमीन विवाद मा मारपीट, जे.सी.बी. फूंकिन

जिला अम्बेडकर नगर, ब्लाक कटेहरी गांव खरगपुर। हिंआ 23 मई 2015 कै आवादी के जमीन समतल करत मा दुई पक्ष मा जमीकै मारपीट भै। समतल करत रहिन जे.सी.बी. मषीन मा तोड़ी फोड़ी कै आग लगाय दिहिन। जनता मा दहसत पैदा करै खातिर कइयौ बार हवा मा फायरिंग करिन। सूचना पै पहुचिन श्रवण क्षेत्र चैकी कै पुलिस गइन गोली कै आवाज सुनीकै भाग गइन। बाद मा ए.एस.पी. पुलिस फोर्स के साथे पहुकचंन।

खरगपुर गांव कै रहै वाला विपुल सिंह बेटवा अमरपाल सिंह बताइन कि जवन जमीन खातिर विवाद भै उहै जमीन सत्तर हजार रूपया मा संजय सिंह से खरीदे रहेन। 23 मई कै विपुल सिंह भिखारीपुर गांव के राजेन्द्र यादव कै जे.सी.बी. मषनी से जमीन कै समतलीकरण करावत रहिन। तब नरेन्द्र सिंह कइयौ जने का साथे लइकै आइन आपन जमीन बताई कै काम रूकवाय दिहिन। कहिन कि जवन पीपल कै पेड़ बाय आंका न काटेया यही बात से दुइनौं पक्ष मा कहासुनी होय लाग मार-पीट भीषुरू होई गै। जे.सी.बी. मषीन मा तोड़ फोड़षुरू कई दिहिन। मषीन चलावै वाले अषोक कुमार यादव मषीन छोड़ी कै भाग गइन। तब तक नरेन्द्र पक्ष कै मनई जे.सी.बी. मषीन फूंक दिहिन। बिपुल अउर संजय पक्ष कै मनई नरेप्द्र सिंह के घरमा हमला बोल दिहिन जमी कै तोड़-फोड़ करिन पूरा सामान तोड़ी डारिन।

घटना कै खबर सुनी कै ए.एस.पी. पंकज पाण्डेय, सी.ओ. सदर इंदू सिद्धार्थ पुलिस फोर्स के साथे घटना के स्थान पै पहुचिन। तब मामलाषान्त भै। थाना कोतवाली अकबरपुर कै एस.ओ. ओ.पी.षर्मा बताइन कि राजेन्द्र यादव के तहरीर पै नरेन्द्र सिंह अउर नौ मनई के खिलाफ केस दर्ज भै बाय। मुकदमा अपराध संख्या 199/15 धारा 147, 360, 433, 323, 504, 506 आई पी.सी. लाग बाय विवेचना संतोस कुमार सिंह एस.आई करत हईन।