जिला महोबा, ब्लाक जैतपुर, गांव कमालपुरा। सरकार गरीबन खे लाने समाजवादी पेंशन जेसी योजना लागू करत हे। पे ऊखो लाभ बोहतई कम आदमियन खा मिलत हे।
मायादेवी ओर कमला देवी ओर देवकुवंर ने बताओ कि जनवरी में फारम भरे हते। हमाये साथ वालेन के पेंशन आ गई हे। चन्द्रकली ने बताओ कि मोये पेहले रानीलक्ष्मी बाई पेंशन मिलत हती, पे समाजवादी पेंशन नई मिलत हे। बी.पी.एल. सूची में नाम हे ओर रोज की बनी मजदूरी करे खाये वाले हे। ईखी दरखास तहसील दिवस में दई हती, तो विभाग वाले कहत हते कि प्रधान के एते से सूची ले आओ। हम एते ओते भटकत हे।
समाज कल्याण विभाग के अधिकारी रामसहांय राजपूत ने बताओ कि कमालपुरा के दो सौ आदमियन के नाम सूची में नाम हे। 99 आदमियन खा पेंशन मिलत हे। बाकी आदमियन के फारम धरे हे। अगर सासन के एते से लक्ष्य बढ़ के आ हे तो कछू आदमियन खा पेंशन मिलन लगहे।