खबर लहरिया औरतें काम पर दहेज के कारन लौटी बारात, भओ समझौता

दहेज के कारन लौटी बारात, भओ समझौता

Kabrai - Kabrai Thanaजिला महोबा, ब्लाक कबरई, कस्बा कबरई रानी लक्ष्मीबाई नगर। एते के गोरेलाल (पुत्र रामलाल) को आरोप हे कि 5 मई खा दहेज कम होय के कारन बारात लौटा ले गये हे। ईखी दरखास कबरई थाना में दई हे। पुलिस ने बाद में दोनऊ पक्ष खा बुला के समझाौता करा दओ हे।
बाप गोरेलाल ने बताओ कि मेने अपने बिटिया के शादी हमीरपुर जिला के छिरका गांव मौदहा थाना के गोविन्द दास पुत्र ओमनारायण के साथे शादी तय करी हती। पेहले कछू दहेज नई मांगत हते। 5 मई खा जभे टीका चढ़ाओ भओ तो मोटर साइकिल ओर पचास हजार रूपइया मांगन लगो। मेने देय से मना करेाता ऊने रात के पूरी बारात लौटा दई। लड़का ओर ऊखो फूफा बचो हतो। एक गाड़ी थाना के द्वारे ठाड़ी हती। पे गोमगार्ड ने गाड़ी भीतर ठाड़ करें खा कहो तो ऊ भाग गओ। ईखी दरखास कबरई थाना में दई हे। कबरई एस.ओ. चंचल यादव ने कहो कि दोनऊ पक्ष खा बिठा के समझौता करा दओ हे।

Click here to read in English