खबर लहरिया बाँदा गर्मी अवतै हैण्डपम्प दिहिन जवाब

गर्मी अवतै हैण्डपम्प दिहिन जवाब

khajuri paniजिला बांदा, ब्लाक नरैनी, तिंदवारी। नरैनी का दुबरिया, तिन्दवारी के नरी अउर खजुरी का हैण्डपम्प खराब हंै। मड़ई बिगड़े हैण्डपम्प के कारन नदी का पानी पियैं का मजबूर है। हैण्डपम्प बनवावैं के मांग 7 अप्रैल का तहसील दिवस मा कीन गे है।
दुबरिया के राजकुमारी, बाबूलाल अउर गोबर्धन कहिन कि एक हैण्डपम्प से पचीस घरन का निस्तार होत रहै। वा पन्द्रह दिन से खराब है। दूसर हैण्डपम्प पानी कम देत है। वा भी हमरे पुरवा से एक किलो मीटर दूर है। मजबूरी मा नदी का पानी पियैं का लइत हन। प्रधान चन्द्रकली का मनसवा भारतलाल कहिन कि जल निगम एक साल पहिले हैण्डपम्प लगवाइस। पाइप कम पड़ गे रहैं तौ ठेकेदार नहीं लगाइन। जल निगम मा दरखास दिहिन है।
नरी गांव का अशोक, मुन्नू अउर रज्जन कहिन कि एक महीना से हैण्डपम्प खराब है। आधा किलो मीटर दूसर मोहल्ला पानी भरैं जाय का परत है। वहौ लाइन लगा के नम्बर वार पानी भरैं मिलत है।
प्रधान ज्ञानमती कहिन कि हैण्डपम्प जल्दी बनवा दीन जई।
खुजरी गांव के मनोज अउर रानी बताइन कि पन्द्रह घरन का स्कूल के बाउन्ड्री कूद के पानी भरैं का परत है। काहे से हमरे मोहल्ला का हैण्डपम्प एक महीना से खराब है। जबै तक स्कूल खुला रहत है तौ ठीक रहत है। प्रधान राजबहादुर कहत है कि हैण्डपम्प खराब निहाय। पन्द्रह दिन पहिले नवा रिबोर कइके हैण्डपम्प लगावा गा है। मड़ई वा हैण्डपम्प का पानी खुदै नहीं पियै चाहत आय।