हैण्डपम्प खराब, कसत मिलै पानी

जिला चित्रकूट, ब्लाक मानिकपुर, गांव कैलहा,दलित बस्ती। हिंया लगभग पांच हजार के आबादी मा एक हैण्डपम्प लाग रहै। दुइ साल से वहौ खराब हवै। मड़ई हैण्डपम्प बनवावैं खातिर प्रधान कमला देवी से 4 अप्रैल का मांग करिन। यहिसे पहिले भी कइयौ दरकी कहा गा, पै कउनौ ध्यान नहीं दीनगा।
बस्ती के चन्द्रकली, सुमित्रा अउर मुन्नीलाल का कहब हवै कि दुइ साल से पानी के समस्या से जूझित हन। पियै खातिर पानी भरैं आधा किलो मीटर दूर ब्राहमण बस्ती जइत हन। हुंवा लम्बी लाइन लगावैं का परत हवै। यहै से पानी भरैं के चक्कर मा मजूरी करैं खातिर जाये मा देर होइ जात हवै। अगर प्रधान कमला देवी हैण्डपम्प बनवा दे तौ पानी के समस्या खतम होइ सकत हवै। प्रधान कमला देवी के पति शिवभवन का कहब हवै कि नवा हैण्डपम्प लगावावैं खातिर ब्लाक मा 6 अप्रैल का लिखित दरखास दीने हौं। नवा हैण्डपम्प पास होइ तौ लागी। मानिकपुर ए.डी.ओ. अवधेश सिंह का कहब हवै कि सरकार कइती से हैण्डपम्प पास होइ तौ लगवा दीन जई।