रास्ता बने की मांग

जिला महोबा, ब्लाक जैतपुर, कस्बा बेलाताल मोहल्ला डेवड़ीपुरा। एते को दो सौ फुट रास्ता तेरह साल से खराब हे। जीखे बनवाये खा आदमियन ने ब्लाक ओर प्रधान से केऊ दइयां कहो हे, पे कोनऊ सुनवाई नई होत हे।
रामकिशुन, परमनन्द ओर गोरेलाल कहत हे कि जा रास्ता से आदमी पन्द्रह साल से गिलाव में हेल के निकरत हे। स्कूल के बच्चा भी पढ़न जात हे, जा रास्ता बने की नोमत नई आउत हे। पूरे गांव की रास्ता बनी हे, हमाये मोहल्ला की रास्ता नीली के जेसे बनी हे।
संन्तोष, मुट्टम ओर रामचरन बताउत हे कि हम रात-बिरात निकरत हे तो गिर जात हे। अधियारे में कहूं पांव धरत हे ओर कहूं धर जात हे। जा रास्ता से रात दिन आदमी निकरत हे। हमने केऊ दइयां प्रधान ओर ब्लाक में जाके कहो हे की हमाये एते कि रास्ता बनवा देय, पे ऊं भरोसा देके भगा देत हे। प्रधान हरिमोहन दास ऊ रास्ता के बारे में मोये कोनऊ जानकारी नइयां।अभे जानकारी भई हे तो ओते कि जांच कर बनवाई जेहे।