आधार कार्ड बनैं मा मारामारी

चित्रकूट जिला। हिंया पंाचै ब्लाकन मा आधार कार्ड बनैं का काम जोर शोर से होत हवै। बुजुर्ग, विकलांग मड़ई अउर औरतन का आधार कार्ड बनवावैं मा बहुतै दिक्कत होत हवै।
ब्लाक रामनगर, गांव रेरूवा, पुरवा बुधवल के सुनीता, सुमन अउर रूपादेवी कहिन कि अपने पुरवा से लगभग बारह किलो मीटर पैदल ब्लाक मा आधार कार्ड बनवावैं अइत है। यहिके चक्कर मा घर का काम नहीं होइ पावत आय। रामनगर ब्लाक मा आधार कार्ड बनावैं वाले इंचार्ज सुरेन्द्र सिंह कहिन कि रोज के डेढ़ सौ आधार कार्ड बनाये जात हवैं।
ब्लाक कर्वी, गांव पतौड़ा। हिंया के गनेशिया कहिस कि 25 फरवरी का तहसील मा आधार कार्ड बनवावैं गई रहौं। हुंवा लाइन लाग रहैं। कुछ मड़ई लाइन बेगाड़ के बीच मा घुस गें। एक बूढ़ औरत गिर के चोटा गे रहै। मऊ ब्लाक, गांव सेमरा का विनय, नींबी गांव का भैरौं प्रसाद कहिन कि सरकार मड़इन के पहिचान पत्र कत्तौ आधार कार्ड बनवावत रहत हवै। आधार कार्ड ब्लाक बस मा बनत हवैं। दूसर जघा भी कैम्प लागै का चाही।
कर्वी तहसीलदार अशोक कुमार कहिन कि आधार बनै मा मारामारी रोकैं खातिर 25 फरवरी से कर्वी कोतवाली से पुलिस का बोला के आधार कार्ड बनवाये जात हवैं।