घरन के ऊपर धरे तार

जिला महोबा, ब्लाक चरखारी, गांव सबुआ। ई गांव की बिजली व्यवस्था बोहतई खराब हे। एते तक कि बात करें के बाद पता चलो कि अभे तक आदमियन के घरन मे मीटर नई लगो हे।
रामनारायण त्रिपाठी, ब्रजेश कुमार ओर अरबिन्द राजपूत बताउत हे कि 2007 मे बिजली लगी हती। तभई दस आदमियन खा बी.पी.एल. सूची वालेन के मीटर लगे हे। जीसे न तो बिल को कोनऊ नियम हे ओर न ही बिजली को। रामबक्स कुशवाहा ओर हरिदास कहत हे खम्भा केऊं जघा से टूटे हे ओर तार भी नीचे हे। कभऊं भी कोनऊ बड़ी घटना हो सकत। काय से ग्यारह हजार वोल्टेज वाली बिजली के तार आय। चरखारी बिजली विभाग के जे.ई प्रवीण कुमार यादव ने बताओ कि मीटर को टेण्डर पास हो गओ हे, मीटर आयें के बाद लगवा दये जेहे। बिजली के तार ओर खम्भा के बारे में कोनऊ जानकरी नइयां। जानकारी मिली हे तो ओते जांच कर जल्दी ही समस्या दूर करी जेहे।