खबर लहरिया चित्रकूट आठ महीना से नहीं मिलै रूपिया

आठ महीना से नहीं मिलै रूपिया

chi 6जिला चित्रकूट, ब्लाक पहाड़ी, गांव चनहट। हिंया के सुमेदत्त का कहब हवै कि लगभग सत्तर मड़इन का रानी लक्ष्मी बाई योजना के तहत चार सौ रूपिया मिलत रहंै, पै आठ महीना से नहीं मिला। प्रधान से कहित हन तौ वा कहत हवै कि समाजवादी पेंशन के फार्म भरवा दीन गें हवैं। यहै से प्रधान मुननीलाल अउर समाज कल्याण विभाग के चक्कर लगाइत हन।
गांव के ललता देवी, विजयलाल सुमन अउर सुनीता का कहब हवै कि प्रधान मुन्नीलाल कहत रहै कि तुम सबै समजावादी पेंशन के फार्म भर देव। तबै तुमका पांच सौ रूपिया हर महीना मिली, पै प्रधान हम सत्तर लोगन के फार्म नहीं भरवाइस हवै। वा दूसर मड़इन से एक-एक हजार रूपिया लइके उनके फार्म भरवा दिहिस हवै। जबैकि हम लोग पात्र भी आहिन। रानी लक्ष्मीबाई योजना के तहत चार सौ रूपिया भी नहीं मिलै।
प्रधान मुन्नीलाल का कहब हवै कि गांव मा समाजवादी पेंशन के लगभग डेढ़ सौ मड़इन के फार्म भरवाये रहौं तौ वहिमा से सत्तर लोगन का फार्म पास भा हवै। उनका पास होइ तौ मिली।
समाज कल्याण विभाग के बड़े बाबू पैश्वनी कहिन कि समाजवादी पेंशन पास होइ तौ उनका पेंशन योजना के तहत पांच सौ रूपिया मिली।