खबर लहरिया फैजाबाद आधी अधूरी बनी नाली

आधी अधूरी बनी नाली

puliya kasbaजिला अम्बेडकरनगर, ब्लाक कटेहरी बाजार रेलवे स्टेषन। हिंआ रोड के किनारे पानी बहै खातिर नाली बनवाय जात रहा। तीन सौ मीटर नाली बनै का रहा। लकिन आधी अधूरी नाली बनाय के छोड़ दिया गै बाय। सड़क के बीच से पुलिया कै काम हुवत बाय।
बाजार वासी षिवनरायन अग्रहरि, अयोध्या वर्मा, पारस वर्मा, अच्छेलाल अग्रहरि, सुरेन्द्र अग्रहरि, डाक्टर ओंकार मद्धेषिया, कन्हैयालाल, मोदनवाल कै कहब बाय कि बरसात के दिन मा थोरिक पानी बरस जाथै तौ पानी सब सड़क पै भरि जाथै। पानी भरि जाए से आवै जाए मा दिक्कत हुआथै। जेसे आवै जाए वाले मनईन का बहुतै दिक्कत हुआथै।
वहीं कीचड़ मा हलिके जाए का परत बाय। सड़क के बीच से पुलिया बनत बाय। सड़क के किनारे से पूरी नाली बनि जात तौ पानी बहै मा आसान होय जात। लकिन प्रषासन कै यहरी ध्यान नाय बाय। कि नाली बनि जाये तौ पूरे गांव वाले का यतनी बड़ी समस्या से निजात मिल जाये।
बसपा कै जिला पंचायत सदस्य षिरोमणि वर्मा बताइन कि अबहीं आधी नाली कै एस्टीमेेट पास भै रहा। तौ वतनी बनीं। बाकी आधी नाली कै एस्टीमेट तैयार कीन जात बाय। नाली बनावै कै पूरा प्रयास कीन जात बाय। बजट पास होय जाये तौ पूरी नाली बनवाय दिया जाए।