खबर लहरिया औरतें काम पर परिवारिक लाभ खा भटकत

परिवारिक लाभ खा भटकत

   राजकुमारी

राजकुमारी

जिला महोबा, ब्लाक जैतपुर, गांव ननवारा। एते की राजकुमारी के आदमी चतुर की 26 जून 2014 खा हो गई हती। जीखो पारिवारिक लाभ को फारम भरे खे लाने लेखपाल हीरालाल के चक्कर लगाउत हे।
राजकुमारी ने बताओ कि मोओ आदमी मजदूरी करन गओ हतो। तभई दिवार के ऊपर से गिर गओ हतो।जीसे रीढ़ की हडडी टूट गई हती। ऊखो इलाज एक साल तक झांसी में इलाज चलो हतो। ऊखे इलाज के बाद भी चतुर सही नई भओ। इलात में मओ लगभग दो लाख रूपइया लगो हे। मोये चार बच्चा हे, पे अपने परिवार को पेट भरो कि कर्जा चुकाहों। राजकुमारी को आरोप हे कि लेखपाल मोओ पारिवारक लाभ को फारम नई भराउत हे। एते ओते भटकाउत हे।
लेखपाल हीरालाल ने बताओ कि राजकुमारी आपन पास बुक की फोटो कापी नई दई हती। अभे दिसम्बर 2014 खा ऊने पासबुक की फोटोकापी दई हे। अब ऊखे सारे कागज मिल गये हे तो जल्दी ही तहसील में जमा कर दये जेहे। जभे शासन केती से बजट आहे तो ऊखे पारिवारिक लाभ दिबाओ जेहे।