खबर लहरिया औरतें काम पर आवेदन जमा कईली लाभ न मिलल

आवेदन जमा कईली लाभ न मिलल

कन्या विवाह के रिसिविंग लेले लाभार्थी

कन्या विवाह के रिसिविंग लेले लाभार्थी

जिला शिवहर, प्रखण्ड शिवहर, पंचायत गांव कुशहर उतरवारी टोला, वार्ड नम्बर एक। उहां तीन लड़की के मुख्यमंत्री कन्या विवाह योजना के फाॅर्म 2 सितम्बर 2013 के ही भरलई। जेकर रूपईया अभी तक न मिलल।
अनिता कुमारी, बबीता कुमारी के माय कमली देवी, रूबी कुमारी के माई उर्मिला देवी कहलथिन कि हमरा बेटी के शादी पिछले साल भेलक। जेकर फाॅर्म दु-तीन महिना पहिले प्रखण्ड में नाजीर के देली। लेकिन अभी ले रूपईया न मिलल। कर्जा पईचा लेके शादी कर देली। कहई जाई छथिन कि प्रखण्ड में कागज जमा करे से काम जल्दी हो जाई छई। केतना दिन त दउड़ गेली। नाजिर के कहई छी त कहई छथिन कि बी.डी.ओ. के पास जाउ अउर बी.डी.ओ. भेटयबे न करई छथिन।
प्रखण्ड विकास पदाधिकारी आलोक कुमार शर्मा कहलथिन कि जिनकर आवेदन जमा हई अउर लाभ न मिलई छई त रिसिविंग लेके अईथिन देखल जतई। ओकरा बाद लाभ देल जतई।