खबर लहरिया औरतें काम पर शराब पीके करी छेड़खानी

शराब पीके करी छेड़खानी

Kabrai - Kabrai Thanaजिला महोबा, ब्लाक कबरई, थाना कबरई क्षेत्र के मोहल्ला की एक दलित परिवार को आरोप हे कि कस्बा के जीतू यादव, रमइया पुत्र रामबाब, पंकज पुत्र रामकृपाल ने 17 नवम्बर खा रात साढ़े 9 बजे छेड़खानी करी हे। ईखी दरखास कबरई थाने में दई हे।
लड़की के चाचा बताउत हे कि कस्बा में मेला लगो हतो। जीमें रात के रामलीला होत हतो। हम गरीब आदमी हे एई से ओते चाय ओर मूंगफली की दुकान लगाये हते। जीसे लड़की रामलीला देख के दुकान आउत हती। तभई रास्ता में ठाड़े जीतू, रमइया ओर पंकज ने लड़की खा पकर लओ ओर ऊखे साथे छेड़खानी करन लगे। लड़की चिल्लानी तो ओते के आस-पास के आदमी दौड़े। तभई ऊ लड़की खा छोड़ के भाग गये। थोई देर बाद वापस दुकान में वापसी आये ओर गाली गलौज करी। रिपोर्ट करें पे बिटिया खा उठवा लेय की बात कहके भाग गये। एई से हमने 18 नवम्बर 2014 खा कबरई थाना में दरखास दई हे। कबरई थाना से मिली जानकारी के अनुसार ऊ दोनऊ पक्ष ने आपस में समझौता कर लओ हे।