कस्बा मा फैली गन्दगी

जिला फैजाबाद, ब्लाक तारून, कस्बा हैदरगंज। हिंआ नाली मा कीचड़ अउर जगह जगह गंन्दगी रहै से मच्छरन कै भरमार बाय। दुसरी तरफ तरह तरह कै बिमारी फैलय कै डर बना बाय।
बाजारवासी रमेष, पति राजी बताइन कि जगह जगह कूड़ा इकट्ठा करे से गंन्दगी फैलाथै। साथ साथ कइयो बिमारी कै भी बुलावा दियाथै। बाजार के दिन ज्यादा गंन्दगी फैलाथै। सब अपने अपने घर के सामने साफ कै लियाथिन। सड़क पै वैसे कूड़ा पड़ा रहाथै। तबौ साफ सफाई नाय रखते।
सुरेष जियावन बताइन कि पटिया रखी बाय जेसे कीचड़ साफ नाय होये पावत अउर वहीं नाली मा मच्छर भरा रहाथे। बाजार मा नाली टूटै से सड़क पै बहाथै।
खबर लहरिया के पत्रकार कै आंखों देखी बाजार मा प्राथमिक स्वास्थ्य केन्द्र के सामने कूड़े का ढ़ेर बाय जेसे उडि़ के बाजार मा फैलाथे।
प्रधान सुरेन्द्र कुमार मोदनवाल बताइन कि कूड़ेदान कै मांग कै गै बाय। कूड़ेदान कै व्यवस्था न हुवय से यतना कूड़ा बिखरा रहाथै। ब्लाक कै बड़े बाबू रामकरन बताइन कि अबहीं व्यवस्था नाय बाय। जब आये तौ रखवाय दीन जाये।