खबर लहरिया औरतें काम पर लूटपाट के साथ करी मारपीट

लूटपाट के साथ करी मारपीट

रश्मि गुप्ता

रश्मि गुप्ता

जिला महोबा, ब्लाक कबरई, गाव नेंगुआ। एते के प्राथमिक स्कूल की हेडमास्टर रश्मि गुप्ता के साथे चार अज्ञात आदमियन ने 27 अगस्त 2014 खा बिलासी जंगल के एते छेक के मारपीट के साथे लूटपाट करी हे। ईखी सूचना शिक्षक संघ ने महोबा कोतवाली ओर महिला में थाना दई हे।
रश्मि गुप्ता ने बताओ कि 27 अगस्त 2014 खा में दोपहर साढ़े बारह बजे नेंगुआ गांव के स्कूल से पढ़ा के महोबा आउत हती। तभई बिलासी जंगल के एते छुपे चार अज्ञात आदमियन ने मोई स्कूटी में जोर से डन्डा मारो। में ठाढ़ी हो गई तोे कनपटी में तमन्चा अड़ा दओ, ओर झाडि़यन के पछाऊं ले गये। मेंने चिल्लाये की कोशिश करी तो मारपीट करी। जीसे मोये नांक ओर मुंह से खून निकरन लगो। जभे पछाऊं से गांव के आदमी आये ओर स्कूटी ठाढ़ देखी तो आदमियन ने आ के मोई जान बचाई। फिर भी ऊ बदमासन ने मोये सोने के बाला, एक मोबाइल ओर छह सौ रुपइया नगद ले गये हें। ईखी रिपोर्ट महिला थाना में करी हे।
महोबा कोतवाली के मंुशी राजबहादुर बताउत हें कि धारा 394 (लूटपाट) के तहत मुकदमा लिखो हे। एक आदमी पकर गओ हे।