जिला चित्रकूट, ब्लाक रामनगर, कस्बा रामनगर। हिंया सप्लाई टंकी हवै। सप्लाई टंकी से एक बरस से पानी सप्लाई नहीं होत हवै। या कारन लगभग दुइ हजार मड़ई पानी के समस्या से जूझत हवैं।
या समस्या का लइके खबर लहरिया पत्रकार परियोजना प्रबन्धक जल निगम इकाई के सहायक अभियंता डी.एम. तिवारी से बात करिन। उनकर कहब हवै कि अब पता लाग हवै। यहिके जांच कीन जई कि सप्लाई टंकी से पानी काहे नहीं छोड़ा जात हवै।
कस्बा के कल्लू, भानू प्रताप अउर रानी समेत सैकड़न मड़इन का कहब हवै कि सड़क पार कइके हैण्डपम्प से पानी भरैं खातिर जाये का परत हवै। एकै हैण्डपम्प हवै। या कारन वा भी बिगड़ा जात हवै। इनतान के गर्मी मा पियै खातिर पानी का तरसीत हन। सप्लाई नल तौ लाग हवैं, पै उनमा एक बरस से पानी नहीं आवत हवै। काहे सप्लाई टंकी से पानी नहीं छोड़ा जात हवै। का फायदा सप्लाई नल लगवावैं से। उंई नल देखैं खातिर लाग हवै।
सप्लाई टंकी से एक बरस से पानी सप्लाई नहीं होत हवै।