32 साल से देख रही न्याय की राह : दुर्गावती

जिला अम्बेडकर नगर, ब्लाक कटेहरी, गांव औरंगन। हिया कै दुर्गावती बत्तिस साल से अपने जमीन के ताई कोर्ट कचेहरी कै चक्कर काटति अहै लकिन अबहीं तक न्याय नाय मिला ।

दुर्गावती बताईन की गांव कै महाबीर दूबे हमरे ऊपर हाईकोर्ट से मुक़दमा कै दिहिन। हमका नोटिस सम्मन कुछ नाय मिला बाय। हमरे खेतौनी कै हजारन ठी बैनामा कराय लिहिन। करोंड़न कै लोन पास कराई के ट्रक, स्कार्पिओ, ट्रैक्टर खरीद के बेचत अहै। हम एसपी थाना दिवस, तहसील दिवस, कोतवाली हर जगह अप्लीकेशन दिहन लकिन हमार गरीब बिधवा मेहरारू कै कहूं सुनवाई नाय हवत बाय।

डी सी दुबे कै कहब बाय की दुर्गावती खेत के ताई वसीहत पै दावा करति अहै। अउर हम उनके बड़े बेटवा सत्यप्रकाश से बैनामा कराय लिहे हई। उनके गेदहरन के नाम प्रापर्टी आय रही वै बेचे रहे। वसीहत सन पचासी मा बनीं बाय. शिवप्रसाद मिश्रा बताईन की वसीहत सन चौरासी कै बनीं आय अउर उनकै पति सन बयासी मा ख़तम होईगा रहिन। इहै मेंन लड़ाई आय।

डीएम नरेंद्र सिंह कै कहब बाय की स्थगन आदेश भए बाय जब तक न्यायालय फैसला न दे तब तब ऊ जमीन खाली परी रहे। केहू भी वहि जमीन पै बुवाई न कै पाये।  

रिपोर्टर- संगीता और मनीषा

12/09/2016 को प्रकाशित

जिला अम्बेडकर नगर, ब्लाक कटेहरी, गांव औरंगन. यहाँ की दुर्गावती 32 साल से अपनी जमीन के लिए कोट कचहरी की चक्कर काट रही हैं लेकिन अभी तक न्याय नहीं मिला