28 अक्तूबर को मुख्यमंत्री अखिलेश यादव की तरफ से विकंलागो को उनके लिए खास साइकिल बांटी गई।

चित्रकूट जिला, ब्लाक कर्वी मा 28 अक्टूबर का मुख्यमंत्री अखिलेश यादव कइत से विकलांगन खातिर ट्राई साइकिल बांटी गे हवैं। जेहिमा विकलांग मड़इन का साइकिल मिल गे हवैं।
जिला विकलांग कल्याण अधिकारी कमलेश तिवारी का कहब हवै कि जेत्ता बजट होत हवै वही के हिसाब से साइकिल बांटी गे हवैं। 40 विकलांग मड़ई साइ किल खातिर फारम भरिन रहै। वहिमा से 25 मड़इन का साइकिल बांट दीन गे हवैं। बाकी मड़इन का भी अगले महीना तक मिल जई।
साइकिल पावे वाली नीलू वर्मा खुश होइ बतावत हवै कि हमार जइसे विकलांगन का साइकिल मिल गे हवैं तौ लागत हवै कि हमारो हाथ पांव बन गे हवैं। काहे से हम कत्तौ नहीं जा पइत रहेन। अब साइकिल मिले से हम सगले जा सकित हन।
स्कूल मा पढ़े वाला सुनील कुमार बताइस कि मोहिका खराब साइकिल मिली हवैं। वहिके चैन उतर जात हवैं। सीतापुर मा बी ए मा पढ़त हौं। साइकिल से स्कूल जात हौं जेहिसे भविष्य के लाने कुछ कइ सकौ। मैं टीचर बने चाहत हौं।
जिलाधिकारी मोनिका रानी का कहब हवै कि विकलांगन का साइकिल बंटवा दीन गे हवैं। जउन विकलांग रहिगे हवै उन का अगले सत्र मा सांसद कइत से साइकिल बांटी जइहैं।

रिपोर्टर- मीरा और नाजनी रिजवी

01/11/2016 को प्रकाशित