खबर लहरिया चित्रकूट

manikpur  sarhat  pataजिला चित्रकूट, ब्लाक मानिकपुर ,गांव सरहट, पुरवा पटा मा नीचे लटकत बिजली के तार अउर जवाहर नगर मुहल्ला मा बिजली के जर्जर तार मड़इन के समस्या का कारन बने हवैं। यहिसे से आय दिन घटना घटैं का डेर हवै।
गांव सरहट, पटा पुरवा के अवधेश, अउर जवाहर नगर मुहल्ला के देवानंद चैधरी, राजेश कुमार अउर बसंत का कहब हवै कि बिजली विभाग वाले जर्जर तार का बदलत नहीं आय। आय दिन हमार जान का खतरा बना रहत हवै। का जबै कउनौ के जान जई तबै बिजली का तार बदला जई। छह महीना पहिले जर्जर तार टूटै से एक बैल मर गा रहै। तार का बदलै खातिर अउर लटकत तार का सही करै खातिर बिजली विभाग मा 1 जून का मौखिक कहा गा, पै अबै तक कुछौ नहीं भा आय।
मानिकपुर बिजली विभाग के आपरेटर ज्ञान सिंह कहिन कि जर्जर तार बदलै खातिर कर्वी बिजली विभाग मा 1 जून का सूचना पहुंचा दीन गे हवै। कर्वी बिजली विभाग के जेई राजेन्द्र कुमार कहिन कि सरकार आदेश करी तौ बिजली के तार बदलावा जई।