खबर लहरिया बाँदा 2011 में बांदा जिले के बिसंडा में बना शौचालय आखिर क्यों अभी तक बंद पड़ा हैं?

2011 में बांदा जिले के बिसंडा में बना शौचालय आखिर क्यों अभी तक बंद पड़ा हैं?

बांदा जिले के बिसंडा कस्बे मा 2011 मा सुलभ शौचालय बना रहै पै शासन के लापरवाही के कारन या सुलभ शौचालय चालू नहीं कीन गा आय यहिसे मेहरियन का बहुतै परेशानी होत हैं। नगर पालिका विभाग के बाबू दिनेश सिंह का कहब है कि एक हफ्ता पहिले सुलभ शौचालय के सफाई कराई गे है। जल्दी चालू करावा जई।
प्रकाश का कहब है कि शौचालय बंद होय से बाहरी मड़इन का बहुतै परेशानी होत हैं। काहे से दूसर व्यवस्था नहीं आय। पहिले डेढ़ साल सुलभ शौचालय चालू रहै फेर दूसर चेयरमैन आवा है तौ बंद करा दिहिस है।
दिनइयां बताइस कि हम तौ घंटा दुई घंटा बइठ के चले जइत है, पै बाहरी मड़इन का परेशानी होत हैं। गंगा विष्णु सिंह का कहब है कि मनसवा तौ कत्तौ न कत्तौ चले जात है पै मेहरियन का बहुतै परेशानी होत हैं। नगरपालिका मा कइयौ दरकी कहा गा है पै घूसखोर चेयरमैन नहीं सुनत आय।

रिपोर्टर- गीता देवी

Published on Jan 30, 2018