चित्रकूट जिला के पहाड़ी ब्लाक मा 10 साल के बच्चा के साथै बलात्कार भा हवै। बच्चा बकरी चरावै खेत गा रहै। जहां वहिका अकेले पाके गांव का रहै वाला गजराज या काम किहिस हवै।
शिकायतकर्ता बताइस हवै कि मैं बकरी चरावै खेत गये रहे हौं, अउर दुई तीन से जात आहूं। अपना आगे बैइठ रहे अउर मैं पाछे बैइठ रहे हौं, तौ मोहिका गिरा के मोरे साथै जबरजस्ती करै लाग हवै। मैं खूब रोवत रहे हौं। फेर घर आके बताये हौं, तौ मोहिका अस्पताल लइगें हवैं। हुंवा मोहिका एक गोली दिहिन हवैं अउर फेर मोहिका सोनेपुर अस्पताल घर वाले लइगें हवैं। महतारी का कहब हवै कि हमै बच्चा के घाव देख के पता चला हवै। पांव सूझें हवैं, सगले खून लाग रहै।
चचेरा भाई बताइस हवै कि बच्चा रोवत-रोवत घरै आवा हवै, तबै पता चला, तौ फेर थाना मा फोन किन्हें हन। 100 नंबर पुलिस आई हवै अउर वहिके खिलाफ मुकदमा दायर भा हवै। बच्चा का मेडिकल करै से पहाड़ी से रिफर कई दिहिन, तौ सोनेपुर लई गये हन।
पहाड़ी पुलिस थाने मा या घटना के आरोपी का भारतीय दंड सहित के धारा 377 अउर पास्को एक्ट के धारा 4 लगाके गिरफ्तार कई लीन गा हवै।
रिपोर्टर: सहोद्रा
Published on May 16, 2018
