हैण्डपमप खराब, कहां मिली पानी

जिला चित्रकूट, ब्लाक मउ ,गांव कोलमजरा ,पुरवा संतनगर। हिंया हैण्डपम्प खराब हवै। यहिसे लगभग पचास मड़ई पियै खातिर पानी का समस्या का झेलत हवैं। पुरवा के बैजू कैलाष अउर नत्थू का कहब हवै कि पानी खातिर आधा किलो मीटर दूर हैण्डपम्प जाये का परत हवै। यहिसे पानी भरै के चक्कर मा मड़इन का मजूरी करै खातिर देर होइ जात हवै। अगर मड़ई मजूरी न करी तौ घर का खर्चा कसत चली। हैण्डपम्प बनवावैं खातिर प्रधान सुनील जयसवाल से 1 अक्टूबर का कहे रहेन एक महीना होय वाला हवै। अबै तक हैण्डपम्प नहीं बना हवै।
प्रधान सुनील जयसवाल का कहब हवै कि वा हैण्डपम्प रिबोर मा दइ दीन गा हवै। दूसर हैण्डपम्प पास होइ तौ लाग सकत हवै।
मऊ ब्लाक के ए.डी.ओ. षिवाकांत का कहब हवै कि एक महीना के भीतर दूसर हैण्डपम्प लगवा दीन जई।