स्वीकृति मिलने के बाद भी नहीं शुरू हुआ चित्रकूट जिले के कौबरा गांव की सड़क का निर्माण

जिला चित्रकूट, ब्लाक मानिकपुर,गांव कौबरा के टूट सड़क मा दुइ साल से नाली का गंदा पानी भरा रहत हवै। सफाई न होय के कारन नाली मा कूड़ा भरा रहत हवै। यहै कारन नाली का गंदा पानी सड़क मा भरा पड़ा रहत हवै, जेहिसे गांव के रौनक खराब होत हवै।
चुनका बताइस कि दुइ साल से सड़क खराब पड़ी हवै। सबै जघा कीचड़ भरा रहत हवै, जेहिसे निकले मा परेशानी होत हवै। प्रधान भी हिंया से निकलत हवै, पै सड़क नहीं बनवावत आय।
विकास का कहब हवै कि नाली मा कचरा भरा हवैं, यहै कारन मड़ई हिंया गिर जात हवै, तौ गाली देत हवै।
बिट्टी देवी बताइस कि वाहन मा कुछौ सामान लइत हवै तौ सड़क मा पानी भरै के कारन गाड़ी वाले हमार सामान उतार देत हवैं, फेर हम चाहे जइसे आपन सामान लइ के घर तक जई।
सूरजभान का कहब हवै कि हमरे घर के सउहें पानी भरा रहत हवै, तौ बहुतै परेशानी होत हवै। हिंया सफाई कर्मी कत्तौ साफ करै नहीं आवत आय।
प्रधान प्रतिनिधि राजू बताइस कि एक मेहरिया सफाई कर्मी हवै, तौ पहिले स्कूल के, वहिके बाद गांव के सफाई करत हवै। सड़क का काम शुरू हवै।
सांसद भैरों प्रसाद मिश्रा का कहब हवै कि सड़क बनावै का काम पूरा करावा जई।

रिपोर्टर- सहोद्रा

  Published on Feb 21, 2018