खबर लहरिया बाँदा स्टे का करिन उल्लंघन

स्टे का करिन उल्लंघन

जिला बांदा, मोहल्ला चमरौड़ी। हेंया के तुलसा बाई का आरोप है कि वहिके जमीन गाटा संख्या 1511 मा नगर पालिका विभाग अबैध तरीका से सी.सी. रोड बनवावत है। स्टे लावैं के बाद भी काम नहीं रूका आय। या मारे 19 मार्च का तुलसा बाई मोहल्ला के बीस लोगन साथै सिटी मजिस्टेट का ज्ञापन दिहिस।
तुलसा बाई का कहब है कि 18 फरवरी का दस मजदूर लइके चेयरमैन मोरे जमीन मा सी.सी. रोड बनवावत रहै। मना करंै मा झूठे मुकदमा मा फंसावै के धमकी दिहिस है। मैं बांदा अदालत मा मुकदमा लगा दीनेंव। अदालत से स्टे मिल गा। पै नगर पालिका काम नहीं बंद करवाइस आय।
चेयरमैन विनोद जैन का कहब है कि वा जमीन नगर पालिका के आय। या मारे सी.सी.रोड बनत है।
सिटी मजिस्ट्रेट कहिन कि जांच कराके कारवाही कीन जई। स्टे के नियम के उल्लघंन मा कारवाही होई सकत है।