स्कूल मा लाग ताला
जिला अम्बेडकर नगर, ब्लाक भीटी। हिंआ 21 जून 2013 का सेमरी इण्टर कालेज कै प्रधानाचार्या ज्ञानवती वर्मा प्रबन्ध् समिति दवारा गाली गलौज अउर जान से मारै का धमकी सुनिके गेट पै लगाइन ताला।
ज्ञानवती वर्मा कहिन कि समिति कै लोग ग्यारह बजे आय गै रहिन अउर उनके साथे सुल्तान पुर जिला कै कुछ गंडा टाइप कै मनई साथे आय रहिन। समिति के उपाध्यक्ष गंगाप्रसाद मिश्र देर मा आइन तब तक गेट खुला नाय रहा। गेट नाय खुला देख के गाली-गलौज दियै लागिन। अउर मारै कै धमकी दियै लागिन यही से गेट पै ताला लगाय दिहेन। तब उनके सबका पेड़ के नीचे बैठ के बैठक करै का पड़ा।
विद्यालय के प्रबन्धक सूर्यनाथ सिंह उपाध्याय पारसनाथ सिंह कहिन कि विद्यालय के शिक्षा कै माहौल बिगाड़त हईन। जब कहा जा थै तौ आरोप लगावै लागिन। थानाध्यक्ष जयशंकर सिंह कहिन कि यहि मामला कै जांच किनि जात बाय।