स्कूल के सामने तालाब दुर्घटना कै डर

जिला अम्बेडकर नगर, ब्लाक भीटी ग्रामसभा फरीदपुर, गावं भटौरा। हिंआ कै प्राथमिक विद्यालय 1993-94 मा पास भै रहा। 94 वे मा बना भी रहा लकिन अबहीं तक बाउन्ड्री नाय बना जबकि सामने तालाब अउर बगल मा सड़क बाटे।
प्रेरक अध्यापक सुमित्रा तिवारी बताइन कि हमरे हिंआ पंजीकृत बच्चन कै सख्या 102 बाय। स्कूल के सामने तालाब अउर बगल या सड़क बाय डर लाग रहाथै कि अगर नजर हटि तो कहू गेदाहरै तालाब या सड़क पै न पहुंच जाए। हरदम इेखतै विताथै। जब बरसात होतथै। जब बरसात होथै तो स्कूल कै मैदान मा पानी भरि जाथै। खुला होय के नाते जानवर गेदाहरै गन्दगी कै दियेथिन हर साल बाउण्डरी के मांग कै जाथै कउनौ सुनवाई नाय होत।
प्रधाना अध्यापक उदय प्रताप सिंह बताइन कि यहि गावं कै खड़जा स्कूल से सटि कै निकारा गै बाय जबकि विद्यालय कै अउर जमीन खण्ड़जा वहि पार बाय जगह न होय से बाउण्डरी पास नाय होय पावत बाय। अउर बिना बाउण्डरी कै गेदहरन का बहुतै डर बाय।
खण्ड शिक्षा अधिकारी देवेन्द्र कुमार यादव बताइन कि नये बजट प्रशासन से नाय आय बाय। मांग कीन गै बाय पैसा आये के बाद बनवाय दीन जाये।