फैजाबाद के तारुन क्षेत्र के मैहरकबीरपुर ग्रामसभा मा फैली बीमारी के कारण लगभग तीन सौ मनई प्रभावित अहैं। यका डाक्टर कै हीलाहवाली कहै या मनई कै इलाज न कराय पावै कै कारण। कि कउने कारण बीमारी बढ़त बाय।
यहि अज्ञात बिमारी से लगभग तीन सौ मनई प्रभावित अहैं। कहै कि ताई प्रदूशित पानी पियै से मनई के षरीर मा लाल चकत्ता निकला बाय लकिन आज तक पानी कै जांच नाय भै बाय। जबकि जल प्रबन्ध समिति के जिला विकास अधिकारी के तरफ से पानी कै जांच करावै कै दिशा निर्देश निर्देश भै रहा। स्वास्थ्य विभाग कै टीम जांच कइके चली गै लकिन अबहीं तक कउनौ प्रभावी कदम नाय उठाइन। मनई लखनउ दिल्ली तक दवा करावत अहैं लकिन राहत नाय मिली। न पानी कै जांच भै न कउनौ सुबिधा मुहैया कराई गै। डाक्टर पानी उबालके पियै कै सलाह देहे अहैं। प्रधान रामपियारे कै कहब बाय कि डाक्टर छुआछूत के डर से बैठते नाय तौ मनई कै हालचाल कैसे लेइहैं।
सामुदायिक स्वास्थ्य केन्द्र के अधीक्षक अन्सार अली कै कहब बाय कि गांव मा एक तालाब बाय वही मा छोट से बड़ा सब मनई के होय गै। हर हफता टीम भेजी थी। दवा, टृयूब फ्री मा दीन जात बाय। जे ज्यादा परेषान बाय वकै दवा जिला अस्पताल मा फ्री हुवत बाय। मनई का काफी राहत मिली बाय।