सौ साल बाद सुखायगै दरवन झील

जिला अम्बेडकरनगर, ब्लाक कटेहरी, गांव दरवन। हिआ दरवन झील नौ सौ बीघा मा फैला बाय। सौ साल बाद ई झील सुखायगै।
गांव के रामजीत अउर प्रदीप कै कहब बाय कि जिन्दगी मा पहली बार ई झील सुखात देखेन। पूरे जिला मा सबसे बड़ा माना जाना दरवन झील नौ सौ बीघा मा फैला बाय। उत्तर पश्चिम कोना लगभग पांच किलोमीटर से ज्यादा बाय। अट्ठारह सौ एकड़ खेत झील के अन्दर मा गा बाय। दर्जनौ माइनर के बरसात कै पानी यही झील मा खोल दिया जाथै। बरसात के दिन मा यहि झील से केतना मनई कै खेत डूब जाथै जेसे सारी फसल बर्वाद होय जाथै। सैकड़न पशु पक्षी बसा रहत रहिन। पिछले महीना बहत्तर हुस यहि झील मा मरा मिलिन।
रामजीत वर्मा बताइन कि पिछले साल भी यही तरह सूखा परा रहा तब कुछ कीचड़ रहा लकिन अबकी बार तौ एकदम से दरार फाटिगै बाय।
ग्रामप्रधान निशा वर्मा बताइन कि 16 अप्रैल का भूमि प्रबन्धन समिति द्वारा झील कै सफाई अउर खोदाई खातिर प्रस्ताव रखगै रहा। लकिन दरवन झील कइयौ ग्रामपंचायत के सीमा मा हुवय के कारण अबहीं तक कुछ काम नाय होय पावत बाय।