खबर लहरिया फैजाबाद सोवत समय रात मा भै हमला

सोवत समय रात मा भै हमला

जिला फैजाबाद, ब्लाक पूराबाजार, ग्रामसभा तिहुरा, गांव गोडि़याना। हिंआ 31 जुलाई 2014 के बारह बजे सोवती रात मा अज्ञात मनई चार घर पै हमला कै दिहिन।
सुदामा अउर उनकै आठ साल कै बिटिया बविता बताइन कि हमका छह जने का मारे हइन। मारै वाले मुंह मा काला कपड़ा बांधे रहे। सोवती रात मा आयके मारै लागिन। पहचान नाय मिला। लाठी, बल्लम से चोक-चोक के मारिन। सुदामा कै पूरा षरीर मा जगह जगह खून जम जाए से षरीर काला होय गै बाय। सर फाट गै वहीं प्रमिला कै हाथ फैक्चर होय गै। पूरे घर वाले का मारे अहंै। बजरंग अउर उनके मेहरारू के पैर मा बल्लम से चोक के घायल कै डारिन। सब जान बचाय के लोटत गिरत गन्ना के खेत मा लुकानिन। तब जाए के जान बचा। मारत मा मोबाइल गिर गै रहा वही से पता चला कि मारै वाले आयोध्या के काषीराम कालोनी कै रहै वाला दुइनौ भाई संतराम, पंचम हुवय। उनका पकड़ के पुलिस जेल भेज दिहिन। देवपत्त्र बताइन कि ये सब हमरे ऊपर आरोप लगावत अहैं। लकिन अगर हमंै ई जानकारी हुवत तौ हम उनके सबका मारित।
अयोध्या चैकी कै मंुषी देवेन्द्र सिंह बताइन कि दुई जने संतराम प्रसाद मांझी निवासी काषीराम आवास अयोध्या कै रहै वाला हुवय। दूसर जने कै नाम बीरु हुवय। मलवा कै पांच से ज्यादा मनई का मारै कै धारा 143, 148, 149 लाग बाय। अउर 308 गम्भीर चोट, 325 फैक्चर, 323, 504 गाली गलौज, 506 धमकी, 354 महिला के साथ बुरा व्यवहार करै पै अउर 379 आई.पी.सी. के तहत मुकदमा दर्ज बाय।