खबर लहरिया सीतामढ़ी सोलर लाईट सोह में

सोलर लाईट सोह में

sitamarhi shaharजिला सीतामढ़ी, प्रखण्ड डुमरा, पंचायत रामपुर परोरी, गांव रामपुर परोरी पुर्वी। वार्ड नम्बर सतरह में सोलर लाइट 2006 में हललई। उ सोलर लाईट पांच साल बरलई एकरा बाद खराब भेगेलई। तहिया से खराबे हई।
ओई मुहल्ला के राजकुमार पासवान, बबीता देवी लालवती देवी, राजू कुमार, लगभग पच्ची, तीस लोग कहलथिन कि इ सोलर लाईट नागेन्द्र पासवान के घर के सामने हलल हई। लेकिन कुछ दिन बरलई एकरा बाद खराब हो गेलई। तहिया से सोलर लाईट खराबे हई। कोनो लोग ओई पर ध्यान न देई छथिन। जबकि सरकार हर जगर जगह सोलर लाइट के व्यवस्था लगबयले छथिन कि लोग अंहारें में न रहे। तइयों त अंहारे हई कोनो वार्ड चाहे मुखिया न सुनई छथिन। जब कि अंहरीया रात में कतेक दिक्कत आवे जायें में होई छई सब लोग जनई छथिन। भूतपूर्व मुखिया रामबेचन साह, अउर प्रखण्ड विकास पदाधिकारी बीडीओ अजीत कुमार कहलथिन कि जेतना सोलर लाइट खराब हई ओई पर होई कोर्ट से केस चल रहल हई। अभि ओकरा कोनो निर्णय  न लेल गेलईय.