चित्रकूट जिला। हिंया के सुनार 11 मार्च से धरना मा बइठ हवैं। उनके मांग हवै कि सरकार एक्साइज ड्यिूटी का खतम करै। 27 मार्च से उनके बैनर मा लिखा हवै कि मरौ या फेर मारौ। जबै तक हमार मांग पूर न होइ तबै तक यहिनतान धरना मा रहिबे।
कर्वी पुरानी बाजार के सुनार अमन अउर बृजमोहन का कहब हवै कि सरकार का पता नहीं कि का होइगा हवै। एक तौ सुनार पहिले से ही परेशान रहैं। दूसर सरकार एक्साइज ड्यिूटी लगा के अउर जयादा परेशान करै मा लाग हवै।
कर्वी शंकर बाजार के सुनार बबलू अग्रवाल अउर सुरेन्द्र सोनी का कहब हवै कि ग्यारह कारन हवै। जेहिका सुनार विरोध करत हवैं। एकसाइज डियूटी के कारन सुनार भूखन के कगार मा पहुच जई।
एक्साइज ड्यिूटी के विरोध करै का कारन इनतान हवैं –
-सेसन 25 लाख तक ड्यिूटी चोरी पकड़े जाये मा सात साल के जेल।
-रुल नंबर 25 माल का सील करै का पावर,दुकान का ताला लगावैं का पावर।
-सेसन 11 ए.सी. टैक्स ड्यिूटी न दें पाये के सूरत मा जेत्ती डियूटी वोत्ती पैनाल्टी।
-सेसन 11 डी.डी.ए. 6 महीना खातिर मालिक के जमीन जायदाद का जब्त करावैं का कारन।
-सेसन 23 एक्साइज आफिसर के बात न मानै मा तीन महीना के सजा अउर 3 महीना के कैद अउर जुर्माना।
– रुल नंबर सात सोना के पकाई सरकारी संस्था द्वारा करावैं का परी।
– रुल नंबर 25 माल का रिकार्ड सही न पाये जाये मा दुकान का सील करै का पावर।
– डाई वालेन के दुकान मा डाई कटैं या डाई वाली दुकान मा सोने का हिसाब न मिलै मा सोना जब्त।
– कारीगर के पास से माल अउर सोने का हिसाब न पाये जाये मा सोना जब्त।
– खरा सोना सरकारी संस्था से चेक द्वारा खरीदैं का परी।
-2 लाख से ज्यादा माल खरीदैं मा ग्राहक का पीएन नंबर अउर टीडीएस दें का परी।