सावधान, ट्रांस्फारमर खुले हंै

जिला बांदा। बांदा शहर मा तीन जघा मा बगैर जाल के धरे चार सौ चालिस वोल्ट के ट्रांस्फारमर दुघर्टना का न्योता देत हैं। विभाग कहत है कि जाल खातिर रुपिया निहाय।
रामलीला मैदान के लोगन का कहब है कि अतरे दिन जानवर ट्रांस्फारमर मा चिपक के मरत रहत हैं। विभाग से कइयौ दरकी जाल बनवावैं के मांग कीन है।
डाक्टर मनोरमा के सउहें भी ट्रांस्फारमर धरा है। शहर का मेन रास्ता आय। हेंया भी हमेशा खतरा बना रहत है।
डी.एम. कालोनी वाली रोड मा जी.आई.सी. मैदान के सउहें भी ट्रांस्फारमर धरा है।
बिजली विभाग के अधिशाषी अभियंता समर कुमार का कहब है कि जाल लगावैं खातिर बजट नहीं होत है। या मारे सब खुले ट्रांस्फारमर धरे हैं।